Tarixi
1493-yilda Angilya orollariga X.Kolumb ekspeditsiyasi kelib tushgan.
Dastlabki aholi punktlariga 1631-yilda gollandlar tomonidan asos solingan.
XVII asrda Angilya inglizlar mustamlakasiga aylantirilgan. XVIII asrda
Fransiya orolni 2 marta bosib olish uchun uringan. 1882-yili Buyuk Britaniya
Angilyani mustamlakalari Sent-Kits va Nevis orollariga ma’muriy jihatdan birlashtirdi.
1958-1962-yillarda bu orollar Vest-Indiya federatsiyasi tarkibida bo‘ldi, 1967-yilda esa "Buyuk Britaniyaga qo‘shilgan davtat" maqomini oldi. Shu yili may oyida Angilya Sent-Kits va Nevisdan ajralganligini e’lon qildi. 1969-yil fevralda Buyuk Britaniyaning tan olishini talab qilib, bir tomonlama tartibda o‘zini mustaqil respublika deb e’lon qildi. 1976-yilda orolga qisman o‘z-o‘zini boshqarish huquqi berildi. 1980-yilda ingliz parlamenti qabul qilgan qonunga binoan Angilya Scnt-Kits va Nevis orollaridan rasmiy ajraldi. Angiliya va Britaniya Virgin orollari 1981-yil 18-iyunda tashkil topgan Karib havzasi davtatlari oilasi, Sharqiy Karib davlatlari tashkilotiga a’zo bo‘lib qo‘shildi.
Iqtisodiyoti
Iqtisodining asosini dengiz ovchiligi, chet el turizmi tashkil etadi. Kartoshka, no‘xat, makkajo‘xori, jo‘xori yetishtiriladi. Qo‘y, echki, cho‘chqa boqiladi. Baliq, dengiz qisqichbaqasi ovlanadi. Chetga qisqichbaqa, tuz, jun chiqariladi. 2006-yil YIM miqdori 112 mln dollarni (aholi jon boshiga - 7500 doll.) tashlik etgan. Asosiy savdo hamkorlari - AQSh, Trinidad va Tobago, Buyuk Britaniya.
